NEW [May 09] Dr Vetpillai Visit to IMV Photos by Selvavel Sellathurai

கோடைகால ஒன்று கூடல் 2012 UK (May 08, 2012)

எமது வருடாந்த கோடைகால ஒன்றுகூடலானது எதிர்வரும் ஜூலை மாதம் 21ம் திகதி சனிக்கிழமை பி.ப 1.00 மணி தொடக்கம் பி.ப. 11.00 மணி வரை நடைபெறும். அனைவரையும் கலந்து சிறப்பிக்குமாறு அன்புடன் அழைக்கிறோம். Date: 21 July 2012 Saturday Time: 1.00 pm – 11.00 pm Location:Brookside Community Centre 70 Brookside Road Hayes Middlesex UB4 0PL கட்டணம் தனி நபர் £10 குடும்பம் £20 தொடர்புகளுக்கு திரு ச.ஆனந்தவடிவேல் 020 8581 0514 திரு வ.கண்ணதாசன் 020 8606 0827 திரு சோ.வேலவன் 020 36207160 திரு வ. கண்ணதாசன் செயலாளர் இடைக்காடு வளலாய் நலன்புரிச்சங்கம் UK Continues here... Page 1

By V.Kannathasan

எது, எதுவரை (Apr 22, 2012)

எது, எதுவரை அளவுக்கு மிஞ்சினால் அமிர்தமும் நஞ்சு . எல்லாவற்றிக்குமே ஒரு வரையறை உண்டு, எல்லை உண்டு .தெவிட்டாத இன்பமானாலும் அளவுக்கு அதிகமானால் தெவிட்டி விடுகின்றது. வெறுப்பு வந்து விடுகின்றது. எம் வாழ்வினை நூறு வயதுவரை தான் என கோடு போட்டதும் இன்பமாய் வாழ்வதற்குத் தான். இருநூறு முன்னூறு ஆண்டுகள் வாழ முடிந்தால் எமக்கே எம் வாழ்வின் மீது வெறுப்பு ஏற்பட்டு விடும்.ஏன் தான் பிறந்தோம் என எம் வாழ்வின்மீதே எமக்கு வெறுப்பு ஏற்பட்டுவிடும். பசிக்கு மட்டுமா நாம் உணவை உண்கிறோம். பசியை விட ருசிக்காகவே அதன் சுவைக்காகவே அனேக உணவை விரும்பி உண்கிறோம். எது வரை சாப்பிட்டால் உணவு ருசியாக இருக்கும் ?. இன்னும் ஒருபிடி சாப்பிட்டால் நன்றாக இருக்குமே என நாம் எண்ணும் போது நிறுத்தி விடவேண்டும். அப்போதுதான் அது சுவையானாது. ஒரு பேச்சாளன் மிகவும் இனிமையான பேச்சாளன் கேட்கும் அனைவருமே அவர் நாவன்மையால் கட்டுண்டு கிடக்கிறார்கள். இன்னும் கொஞ்ச்ம் பேசினால் நன்றாக இருக்குமே என சபையோர் எண்ணும் போது அவர் நிறுத்திவிட வேண்டும். அப்போதுதான் அவர் பேச்சில் சுவை தெரியும். நாம் எதுவரை வாழ வேண்டும் ?. எம் மனைவி மக்கள் உறவினர் ஊரவர் அனைவருமே எம்மை நன்றாக நேசிக்கிறார்கள் விரும்புகிறார்கள் ,இவரை அடைவதற்கு நாம் கொடுத்து வைத்துள்ளோம் என அவர்கள் எல்லாம் எண்ணும் போது நாம் போய் விடவேண்டும். எண்பது நூறு வரை வாழ்ந்து படுக்கையில் படுத்து நோய் நொடியுடன் சீரழியும் போது எவருக்குமே நம்மீது வெறுப்புத்தான் ஏற்படும். எப்போது இவர் போய்ச்சேருவார் என்று அன்பு செலுத்தியவர்களே எண்ணத் தொடங்கி விடுவார்கள். அவர்கள் நேசிக்கும் போதே போய்ச் சேர்ந்து விட்டால் என்றென்றும் அவர்கள் மனதில் நிறைந்து நிற்போம். காந்தி, கண்ணதாசன், காமராசர் புகழுடன் இருக்கும் போதே போய்ச் சேர்ந்து விட்டார்கள். அதனால்தான் இன்றுவரை இறந்தும் இறவாது எம்முடன் இருக்கிறார்கள். காந்தி இன்று உயிருடன் இருந்தால் மதிப்பிழந்து மறக்கப்பட்டவராகவே போய்ச் சேர்ந்திருப்பார். ராஜீவ் ஜே ஆர் உடன் படிக்கை இந்திய அமைதிப்படை இப்போதைய இறுதியுத்தம் என இந்தியா எமக்குத்தந்த தொல்லைகளும் அழிவுகளும் கொஞ்சமல்ல !. இந்திராகாந்தி உயிருடன் இருந்திருந்தால் இப்படியெல்லாம் நடந்திருக்குமா என அவர் எமது ஆபத்பாண்டவராக கருதிப் போற்றுகின்றோமே எதனால் ! இலங்கை அரசிற்கு எதிராகவும் எமக்கு சார்பாகவும் அப்போது அவர் நடந்து கொண்டதால் தான். அன்றைய நிலையில் இந்திரா மட்டுமல்ல வேறு எவருமே அப்படித்தான் நடந்திருப்பார்கள். ஒரு வேளை இந்திராகாந்தி உயிருடன் இருந்திருந்தால் தமிழ்மக்களின் நலனைவிட இலங்கை அரசின் நட்பு அவருக்குத் தேவைப்பட்டிருக்கலாம். அதனால் இன்று இந்தியா செய்ததையே அவரும் செய்திருக்கக்கூடும் . நல்லவேளை நாம் அவரை மதிக்கும்போதே அவர் போய்ச் சேர்ந்துவிட்டார் எம் .ஜி,ஆர் , அண்ணாத்துரை கூட இன்று உயிருடன் இருந்திருந்தால் கருணாநிதியின் வரிசையில் சேர்ந்திருப்பார். ஏன் கருணாநிதிகூட எமக்காக முழக்கமிட்ட அன்றைய காலத்தில் மறைந்திருந்தால் எமது மனதில் உயரத்தில்தான் இடம் பிடித்திருப்பார். எதற்கும் ஒரு எல்லை வேண்டுமென்று சொன்னேனே இது எங்கள் போராட்டத்திற்கும் நன்றாகவே பொருந்தும். வாழ்வதற்காக ஆரம்பிக்கப்பட்ட போராட்டம் எல்லைகடந்து போராட்டமே வாழ்வு என ஆகியபோது எமது இறங்கு முகம் ஆரம்பித்துவிட்டது. 2002 களில் இவ்வியக்கத்தை எவருமே வெல்லமுடியாது இவனைப்போல் ஒரு தலைவன் இனிப் பிறந்துதான் வரவேண்டுமென உலகமே வியந்து நின்றவேளைதான் எமது உச்சக்கட்டம், அப்போது கொடுக்கவேண்டியதைக் கொடுத்து பெறக்கூடியதைப் பெற்றிருந்தால் ஆகக் குறைந்தது இப்போது ஏற்பட்ட இழப்பையாவது தவிர்த்திருக்கலாமே !, விதி யாரை விட்டது. எல்லையை மீறினால் எல்லாமே அழிவுதான். ஆம், போகவேண்டிய நேரத்தில் போய்விட வேண்டும். அப்போதுதான் எமக்கு மதிப்பும்இருக்கும், மரியாதையும் இருக்கும். பொன் கந்தவேல் ஸ்காபுரோ- கனடா.

By பொன் கந்தவேல்